Mustaqillik davri bolalar dramaturgiyasida zamonamiz qahramoni

Matluba Mahkamovaning “Mustaqillik davri bolalar dramaturgiyasida zamonamiz qahramoni” nomli maqolasida mustaqillik davrida o‘zbek bolalar dramaturgiyasining rivojlanish jarayoni, uning dolzarb muammolari hamda zamonaviy qahramon obrazini yaratish masalalari tahlil etiladi. Muallif mustaqillik yillarida bolalar dramaturgiyasida faol ijod qilgan Anvar Obidjon, Shuhrat Rizaev, Tohir Malik, Sharof Boshbekov, Saloҳiddin Sirojiddinov, Erkin Xushvaqtov kabi dramaturglarning faoliyatiga to‘xtalib, ushbu davr dramaturgiyasining yutuqlari va mavjud kamchiliklarini baholaydi. Maqolada axborot texnologiyalari, ommaviy madaniyatning yoshlar ongiga ta’siri, bolalar uchun zamonaviy va tarixiy qahramonlar obrazini yaratish zarurati, sahna asarlarining tarbiyaviy-estetik ahamiyati haqida muhim ilmiy mulohazalar ilgari suriladi. Shuningdek, bolalar dramaturgiyasini rivojlantirish, milliy qadriyatlarni targ‘ib etuvchi, badiiy jihatdan mukammal asarlar yaratish hamda mavjud nasriy asarlarni sahnalashtirish masalalariga alohida e’tibor qaratiladi.